हेल्थ टिभी अनलाइन\काठमाडौं :  कोरोना आशंकामा सेती प्रादेशिक अस्पतालमा भर्ना भएका कैलालीका ५ जनाको रिपोर्ट नेगेटिभ आएको छ।

धनगढी प्रयोगशालामा गरिएको परीक्षणमा सबैको रिपोर्ट नेगेटिभ आएको हो। आईतबार कोरोना आशंकामा कैलालीका पाँच जना सेती प्रादेशिक अस्पतालको आईसोलेसन वार्डमा भर्ना भएका थिए। उनीहरु मध्ये गौरीगंगा नगरपालिकाका २९ वर्षीय पुरुषमा आरडीटी टेस्ट गर्दा एन्टीबडी पोजेटिभ देखाएको थियो।

कोरोना जस्तै लक्षण देखाएपछि आईतबार नै कैलालीको कैलारी गाउँपालिका–१ हसुलियाकी २७ वर्षीया महिला, धनगढी उप–महानगरपालिका–५ का ३० वर्षीय पुरुष, उनकी २९ वर्षीया श्रीमती र धनगढी उप महानगरपालिका–१३ का ३० वर्षीय पुरुष आइसोलेसनमा भर्ना भएका थिए।

हेल्थ टिभी अनलाइन \काठमाडौं : नेपालमा पहिलोपटक चिकित्सकमा कोरोना संक्रमण पुष्टि भएको छ ।

राष्ट्रिय जनस्वास्थ्य प्रयोगशालामा गरिएको परीक्षणमा स्वास्थ्य सेवा विभागमा कार्यरत चिकित्सकमा कोरोना संक्रमण देखिएको हो । कोरोना रोकथाम तथा नियन्त्रणका लागि काजमा राखिएका एक चिकित्सकमा कोरोनो पोजेटिभ देखिएको स्वास्थ्य सेवा विभागका महानिर्देशक महेन्द्र श्रेष्ठले पुष्टि गरे । उनले भने, ‘कोरोना रोकथाम तथा नियन्त्रणकै लागि हामीले खटाएका एक चिकित्सकमा कोरोना देखिएको हो । उनी हालसालै कपिलवस्तु र रुपन्देहीमा कन्ट्याक्ट ट्रेसिङमा गएर आएका थिए ।’

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा विकास देवकोटाले आज काठमाडौं उपत्यकामा ५ जनामा कोरोना पुष्टि भएको बताएका थिए । ती ५ मध्ये ललितपुर निवासी चिकित्सक रहेको पाइएको छ। उनी नेपालमा कोरोना संक्रमण हुने पहिलो चिकित्सक हुन्।