हेल्थ टिभी अनलाइन :  स्वास्थ्य तथा जनसंख्या मन्त्रालयमा मन्त्री प्रदीप पौडेल आएसँगै भिडभाड र चहलपहल बढेको छ ।

सोमबार पौडेल मन्त्री नियुक्त भएदेखि नै मन्त्रालयमा उनलाई भेट्न, शुभकामना तथा बधाई दिन आउनेको भिड बढेको हो । आज बिहानैदेखि  नयाँ मन्त्रीलाई भेट्न आउनेहरुको गाडीको कारण मन्त्रालयको गाडी पार्किङ स्थल भरिएपछि गाडीहरु गेटबाहिरसम्म नै लाइन लागिरहेका देखिन्थे ।

विद्यार्थी राजनीतिबाट नेपाली कांग्रेसमा उदाएका मन्त्री प्रदीप पौडेलको मन्त्रीका रुपमा यो नै पहिलो कार्यकाल हो ।