२४ बैशाख २०८२ , बुधबार

अब स्वास्थ्य बीमाको नवीकरण अनलाइनबाटै गर्न सकिने

हेल्थ टिभी अनलाइन : अबदेखि स्वास्थ्य बीमाको नवीकरण पेमेन्ट अनलाइनबाटै गर्न सकिने भएको छ।

स्वास्थ्य बीमा बोर्डले हालै मात्र यस्तो व्यवस्था गरेको जनाएको छ । बोर्डका कार्यकारी निर्देशक डा रघुराज काफ्लेले नागरिक एपमार्फत लिंक गरेर अनलाइन नवीकरणको व्यवस्था गरिएको र अब मोबाइलबाटै सजिलै नवीकरण गर्न सकिने भएपछि सेवाग्राहीलाई सहजता हुने विश्वास लिएको जनाएका छन्।

अनलाइन नवीकरण विगतमा नै निर्णय भए पनि अभ्यासमा आएको थिएन। अब भने नागरिकले तत्काल यो सेवाबाट नवीकरण गर्न सक्ने भएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।