काठमाडौं:  सोमबारदेखि कोरोना भाइरसको नमुना परीक्षण नेपालमै हुने भएको छ । राष्ट्रिय जनस्वास्थ्य प्रयोगशाला टेकुमा यसको परीक्षण शुरु गरेकाे निर्देशक डा रुना झाले जानकारी दिइन्। उनले भनिन, ‘कोरोना परीक्षणका लागि आवश्यक केमिकल आइसकेको छ,आजैबाट परीक्षण शुरु गर्देछौं ।’

उनले कोरोना भाइरसको संक्रमणको आशंकामा टेकुस्थित शुक्रराज ट्रपिकल तथा सरुवा रोग अस्पतालमा भर्ना भएका तीन बिरामीको नमुना संकलन गरेर परीक्षण शुरु गरिएको पनि जानकारी दिइ्न । यो सेवा नेपालमा नहुँदा गत साता कोरोना भाइरसको संक्रमण पुष्टि भएका एक नेपाली विद्यार्थीको नमुना परीक्षणका लागि हङकङ पठाइएको थियो।

नेपालमा हालसम्म एक जनामा कोरोना भाइरसको पुष्टि भइसकेको छ भने अन्य तीन  जनामा शङ्काका आधारमा अस्पताल भर्ना गरिएको स्वास्थ्य तथा जनसङ्ख्या मन्त्रालयले जनाएको छ।

चिसोमा घाँटी दुख्ने, रुघाखोकी लाग्ने र छातीमा कफ जम्ने आम समस्या हो। छातीमा कफ जम्दा सास फेर्न मात्रै समस्या हुँदैन, यसले अरु धेरै समस्या निम्त्याउँछ। छातीमा कफ जम्ने समस्या समाधान गर्न एन्टिबायाेटिकभन्दा घरेलु औषधि प्रभावकारी हुन्छ।

तातोपानी

कफ जमेको वेला हल्का तातोपानी पिउनु फाइदाजनक हुन्छ। यसले छाती र घाँटीमा जमेको कफको मात्रालाई कम गर्छ। कागती पानी वा कागतीको चिया पिएर पनि समस्या समाधान गर्न सकिन्छ।

नुनपानी

नुनपानीले कुल्ला गर्नाले घाँटीलाई राहत मिल्छ। जमेको कफ निस्किन्छ। यसले घाँटी सफा हुन्छ र सबै किटाणु पनि मर्छन्।

मह र कागती

एक चम्चा शुद्ध मह र दुई चम्चा कागतीको रस मिसाएर पिउँदा आराम मिल्छ। महमा एन्टिब्याक्टेरियल र एन्टी फंगल हुन्छ। कागतीमा भरपुर भिटामिन सी पाइन्छ। यसले छाती र घाँटीलाई तुरुन्त आराम पुर्याउँछ।

मरिच

मरिच श्वासप्रश्वासको समस्या समाप्त गर्न चामत्कारिक औषधि मानिन्छ। एक कप पानीमा १५ २० दाना मरिच उमालेर मह मिसाएर पिउँदा फाइदा पुग्छ। मरिचमा ‘पाइपरलांगमाइन’ तत्त्व पाइन्छ। यसले शरीरमा एन्जाइम बन्नबाट रोक्छ। एन्जाइमले खोकी र यसको इन्फेक्सनलाई बढाउँछ। कफको कारण बन्छ।

बेसार

तातोपानीमा एक चम्चा बेसार मिसाउनुहोस्। बेसारमा ‘करक्युमिन’  तत्त्व पाइन्छ, जसमा धेरै नै शक्तिशाली एन्टिब्याक्टेरियल गुण हुन्छ। यसले कफलाई पातलो बनाउन मद्दत गर्छ ।