मधुमेह केहो ? कस्ता व्यक्ति जोखिममा ?
हेल्थ टिभी अनलाइन : मधुमेह रगतमा चिनीको मात्रा बढी भएपछि लाग्ने दीर्घकालिन रोग हो । त्यसैले यसलाई बोलीचालीको भाषामा चिनी रोग पनि भनिन्छ । मधुमेहको समस्या अहिले संसारभर बढिरहेको छ । अस्वस्थकर खानपान र खराब जीवनशैलीका कारण मधुमेह सबैतिर बढिरहेको छ । जटिल मानिने यो रोगमा ५० प्रतिशतलाई कुनै लक्षण बिना नै धेरै हानी गरिसकेको हुन्छ । कस्ता व्यक्ति मधुमेहको जोखिममा हुन्छन् त ?
-जो व्यक्ति बढी मोटा छन् ।
-जसको परिवारमा कसैलाई मधुमेह छ ।
-जसलाई मटु, मिर्गौलाको रोग छ ।
-जो सानोमा कुपोषणको शिकार भएको थियो ।
-जसको आमालाई कुपोषण थियो ।
-जो व्यक्ति व्यायाम गर्दैन ।
-जसले बाहिरको जंकफुड खान्छ ।
मधुमेहलाई नियन्त्रण गर्न के गर्ने ?
मधुमेहलाई नियन्त्रण गर्नका लागि डाक्टरको सल्लाह बमोजिम औषधीको सेवन गर्ने त छँदैछ । त्यसबाहेक आफनो खाने बानी तथा जीवनशैलीमी परिवर्तन ल्याउन जरुरी हुन्छ । पहिलो कुरा त आफनो खानामा सिधै चिनीमा परिणत हुने खानाहरु कम समावेश गर्नुपर्छ । जस्तै भात, आलु, मैदाबाट बनेको खानेकुरा, पाउरोटी, बिस्कुट, मिठाइ जस्ता खाना सकेसम्म कम खाने गर्नुपर्छ । आफनो खानामा सागसब्जी, गेडागुडी, प्राकृतिक खाना समावेश गर्दा सुगर लेबल बढ्न दिंदैन । खाना खाँदा एकैपटक धेरै खाने भन्दा पनि थोरै थोरै खाएको राम्रो हुन्छ । यसका साथै नियमित व्यायाय गर्न जरुरी हुन्छ ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो