२९ पुस २०७६ , मङ्लबार

सुन्तला सेवनका फाइदा

अहिले सुन्तलाको मौसम हो। सुन्तला स्वादका लागि मात्र नभएर स्वास्थ्यका दृष्टिले समेत राम्रो मानिन्छ। विभिन्न स्वास्थ्य समस्या दूर गर्न यसले प्रभावकारी भूमिका खेल्छ।

सुन्तलामा प्रशस्त पाइने साइट्राइट लिमोनोइड्सले फोक्सो, छाला, स्तन, पेट र मलाशयमा हुने क्यान्सरको जोखिम कम गर्छ।

यसले मुटु पनि स्वस्थ राख्छ। यसमा पाइने पोटासियम र इलेक्ट्रोलाइट मिनरलले मुटुको गतिविधिलाई सहज राख्न मद्दत गर्छ।

सुन्तलाले पिसाब अथवा मिर्गौलासम्बन्धी रोग निको पार्न सहयोग गर्छ। यसले कोलेस्ट्रोल सन्तुलनमा राख्छ।

यसमा पाइने फाइबरको मात्राले पाचन प्रणाली बलियो बनाउन मद्दत गर्छ । दैनिक खाँदा कब्जियतबाट मुक्ति दलिाउँछ।

यसले रोग प्रतिरोधात्मक क्षमता बढाउँछ । थकाइ लागेका वेला सुन्तला खाँदा तत्काल आराम महसुस हुन्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।