शरीरलाई आवश्यक पोषक तत्त्वमध्ये भिटामिन ई पनि एक हो। यो बोसोमा घुलनशील भिटामिन हो। यसले एन्टिअक्सिडेन्टका रूपमा पनि काम गर्छ।

कोशिकाहरूले एकअर्कासँग प्रतिक्रिया जनाउन भिटामिन ईको प्रयोग गर्छन्। यसले शरीरको रोग प्रतिरोधक क्षमता बलियो बनाएर राख्छ। साथै, शरीरलाई एलर्जीबाट बचाउन पनि यसकाे ठूलाे भूमिका हुन्छ।

यसले कोलस्ट्रोल नियन्त्रणमा राख्न प्रमुख भूमिका खेल्छ। त्यसैले यो भिटामिन  शरीरका लागि अत्यन्त आवश्यक छ। सन्तुलित खानपानका माध्यमबाट भिटामिन ई सजिलै प्राप्त गर्न सकिन्छ।

भिटामिन ई अभाव भए

दृष्टि कमजोर हुनु, हेर्दा आँखा तिर्मिराउनु

मांसपेशीहरूमा कमजोरी आउनु, कमजोरी महशुस हुनु

शरीरका अंगहरूले सहज ढंगमा काम नगर्नु

प्रजनन क्षमता कमजोर हुनु आदि।

यी खानेकुरामा पाइन्छ 

भिटामिन ई अण्डा, ड्राइ फ्रुट्स, बदाम, ओखर, सूर्यमुखीको बीउ र हरियो पात भएका तरकारीबाट प्राप्त हुन्छ। यस्तै सखरखण्ड, सलगम, एभाेकाडाे, ब्रोकाउली, आँप र मकै आदिबाट पनि भिटामिन ई पाइन्छ।  यो तोरीको तेल, बदाम, तिल, जैतुन आदिबाट पनि पाइन्छ।