गर्भ रहेको यसरी पाउनुस् थाहा

गर्भवती भएको संकेतस्वरूप महिनावारी(रजस्वला) रोकिन्छ। गर्भ रहेको केही सातापछि महिनावारी रोकिन्छ।

गर्भधारण भएको एक दुई सातामै स्तनको टुप्पोमा कालो रङ देखिन्छ। त्यो हल्का दुख्छ पनि।

गर्भ रहेको शुरुवाती अवस्थामा धेरै महिलालाई खाना नपच्ने, स्वाद नहुने र वाकवाकी लागिरहने समस्या हुन्छ।

गर्भ रहेको शुरुशुरुमा बान्ता हुने र थकान महसुस हुनेजस्ता लक्षण देखा पर्छ।

गर्भ रहेको शुरुका तीन महिनामा रक्तचाप घट्छ जान्छ । रक्तचाप कम हुने भएकाले गर्भावस्थामा रिंगटा लाग्छ।

यो वेला हर्मोनमा परिवर्तन हुने भएकाले स्वभावमा समेत परिवर्तन आउँछ।

गर्भ रहेपछि अरूवेलाको भन्दा बढी पिसाब लाग्छ, विशेषगरी राति।

कसैकसैलाई बिहान ज्वरो आउन सक्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।