हेल्थ टिभी अनलाइन\काठमाडौं : नेपालमा थप ८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज २५ वटा प्रयोगशालामा गरिएको परीक्षणमा थप ८२ जनामा कोरोना पुष्टि भएको हो ।

योसँगै नेपालमा कोरोना संक्रमितको संख्या १६ हजार ८ सय एक पुगेको छ ।

मन्त्रालयका अनुसार गत २४ घण्टामा ३ हजार ९ सय १६ जनाको पीसीआर परीक्षण गरिएको थियो । हालसम्म क्वारेन्टाइनमा रहनेको संख्या २३ हजार ७ सय ८४ रहेको छ भने कोरोना संक्रमण भएर विभिन्न आइसोलेसनमा रहनेको संख्या ८ हजार १ सय ७४ जना रहेको छ ।

हेल्थ टिभी अनलाइन\ काठमाडौं : बलिउड अभिनेता अमिताभ बच्चन र अभिषेक बच्चनपछि ऐश्वर्या राय बच्चन र उनकी ८ वर्षीय छोरी आराध्या बच्चनमा  पनि कोरोना संक्रमण पुष्टि भएकोछ । सो कुराको पुष्टि महाराष्ट्रका स्वास्थ्यमन्त्री राजेश टोपेले ट्वीट मार्फत गरेका छन्।

अमिताभकी श्रीमती जया बच्चनको भने कोरोना रिपोर्ट नेगेटिभ आएको छ ।

उनीहरुमा  कोरोना पुष्टि भए पनि ऐश्वर्या र उनकी छोरीमा कुनै लक्षण नभएकाले होम आइसोलेसनमा रहने बताइएको छ । अमिताभ र अभिषेकमा कोरोना संक्रमणदेखिएपछि उनको परिवारसहित सम्पर्कमा आएका सबैको कोरोना परीक्षण गरिएको थियो । उनीहरु अहिले मुम्बईको नानावती अस्पतालको आइसोलसन वार्डमा रहेका छन्।