टेकु अस्पतालमा डेंगु जाँच गर्न आउनेकाे घुइँचाे (फाेटाे फिचर)
नाै दिनमा भेटिए एक हजार ३५० संक्रमित
काठमाडौं : नौ दिनयता टेकुस्थित शुक्रराज ट्रपिकल तथा सरुवा रोग अस्पतालमा परीक्षण गराउनआउनेमध्ये एक हजार ३५० मा डेंगु रोगको संक्रमण भेटिएको छ।
याे अवधिमा अस्पतालमा स्वास्थ्य परीक्षण गराएका करिब दुई हजार ५०० बिरामीमध्ये झण्डै आधामा डेंगु देखा परेको अस्पतातले जनाएको छ।
अस्पताल तथा केन्द्रीय जनस्वास्थ्य प्रयोगशालामा डेंगु परीक्षण गराउने बिरामीको संख्या अत्यधिक रूपमा बढिरहेको सरुवा रोग विशेषज्ञ चिकित्सक अनुप बाँस्तोलाले बताए। उनका अनुसार अहिले स्वास्थ्यकर्मीलाई बिरामीको स्वास्थ्य परीक्षण गर्न भ्याइनभ्याइ भएको बताए।
सोमबारमात्रै ४४८ जनाले परीक्षण गराएका थिए। तीमध्ये ३११ जनामा डेंगु देखिएकाे छ। स्वास्थ्य तथा जनसंख्या मन्त्रालयले अस्पताललाई डेंगु परीक्षण तथा उपचार गर्न आउने बिरामीसित शुल्क नलिन निर्देशन दिएपछि अस्पतालमा बिरामीको चाप बढेको बताइएको छ।
पछिल्लो समय काठमाडौँलगायत देशभर सो रोग प्रकोपका रूपमा नै देखा पर्न थालेको छ। अस्पतालमा बिरामी भर्ना गर्ने शय्या अभावसमेत रहेको छ। अस्पतालमा डेंगु रोगकाे बिरामीका लागि २४ शय्यामात्र रहेका छन्। अस्पतालका निर्देशक डा. वासुदेव पाण्डेले रोगको परीक्षण गर्ने वृद्धि भएसँगै अस्पतालले परिसरमा डेंगु हेल्थ डेस्क स्थापना गरी सेवा सहज बनाएको जानकारी दिए।
‘अस्पतालले सोमबारबाट छुट्टै ‘फिवर क्लिनिक’समेत सञ्चालनमा ल्याएको छ’, उनले भने, ‘क्लिनिकमा ज्वरो आएका बिरामीलाई छुट्टै कोठामा राखी विशेष जाँच गर्न शुरु गरेको छाैँ।’
डेंगुको संक्रमण अहिलेसम्म ४८ जिल्लामा देखा परेकाे मन्त्रालयले जनाएकाे छ। याे राेगका कारण देशभर अहिलेसम्म ६ जनाको मृत्यु भइसकेकाे छ।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण