Health TV Online
Health TV Online

पहिलोपटक रक्तदान गर्दै हुनुहुन्छ?, जान्नैपर्छ यी कुरा

पहिलोपटक रक्तदान गर्दै हुनुहुन्छ?, जान्नैपर्छ यी कुरा

रक्तदान जीवनदान हो। एक व्यक्तिले रगत दिँदा अर्को व्यक्तिकाे ज्यान बच्नसक्छ। निश्चित अवधिमा शरीरमै नष्ट भएर जाने रगत दान गर्दा आफूलाई पनि फाइदा हुन्छ। तपाइँँ पहिलोपटक रक्तदान गर्ने सोचमा हुनुहुन्छ भने यी कुरा जान्नैपर्छ–

कम्तीमा १८ देखि बढीमा ६० वर्षसम्मका मानिसले रक्तदान गर्न सक्छन्। रक्तदान गर्नेको तौल कम्तीमा ४५ किलोग्राम हुनुपर्छ। एकपटक रक्तदान गरेको तीन महिनापछि मात्र फेरि रक्तदान गर्न सकिन्छ।

रक्तदान गर्ने व्यक्तिलाई जण्डिस, औलो, मधुमेह, क्षयरोग, यौनरोग र एड्स लागेको हुनुहुँदैन।

मदिरा पिएको २४ घण्टाभित्र रगत दिनुहुँदैन। लागुपदार्थ खाएका व्यक्तिले पनि रक्तदान गर्नुहुँदैन।

गर्भवती, ६ महिना नपुगेकी सुत्केरी र महिनावारीको अवस्थामा पनि रक्तदान गर्नुहुँदैन।

रक्तदान गर्ने व्यक्तिको शरीरमा हेमोग्लोबिनको मात्रा कम्तीमा १० प्रतिशत हुनैपर्छ।

रक्तदान गर्नुभन्दा तीन घण्टाअघि तागतिलो खानेकुरा खानु राम्रो हुन्छ । रक्तदानको समय फलफूलको ताजा रस पिउँदा पनि कमजोरी महशुस हुँदैन।

एजेन्सीकाे सहयाेगमा

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार