हेल्थ टिभी अनलाइन\ काठमाडौं : धनगढीस्थित सेती प्रादेशिक अस्पतालको आइसोलेसनमा राखिएका एक जना व्यक्तिको मृत्यु भएको छ।

कैलाली गौरीगंगाका ५० वर्षीय पुरुषको अस्पतालको आइसोलेसनमै बुधबार बिहान मृत्यु भएको प्रादेशिक अस्पतालका सूचना अधिकारी दिलिपकुमार श्रेष्ठले बताएका छन्। उनले भने, ‘भारतबाट मंगलबार मात्र आउनु भएको उहाँमा कोरोनाको आशंकामा हिजो साँझ अस्पतालमा भर्ना गरिएको थियो तर उपचारकै क्रममा उहाँको बिहान ६ बजेतिर मृत्यु भयो ।’ अस्पतालका अनुसार उनको के कारणले मृत्यु भएको भन्ने एकिन भएको छैन्।

कोरोना थियो की भन्ने आशंकामा स्वाब परीक्षण गर्न लागिएको अस्पतालले जनाएको छ । यसअघि नेपाल छिर्ने बेलामा आरडीटी परीक्षण गर्दा उनको नेगेटिभ रिपोर्ट आएको बताइएको छ ।

हेल्थ टिभी अनलाइन\ काठमाडौं : विश्वभर कोरोना भाइरसको संक्रमणका कारण मृत्यु हुनेको संख्या ३ लाख ५२ हजार नाघेको छ ।

वर्ल्डोमिटरका अनुसार बुधबार बिहानसम्म कोरोनाबाट मृत्यु हुनेको संख्या ३ लाख ५२ हजार २२५ पुगेको जनाइएको छ । यसैगरी विश्वभरी ५६ लाख बढी मानिसमा कोरोनाको संक्रमण देखिएको छ ।अमेरिकाका राष्ट्रपति डोनाल्ड ट्रम्पले शुरुमा चिनिया भाइरस भनेर जिस्काए पनि अहिले सबैभन्दा बढी प्रभावित अमेरिका बन्न पुगेको छ । अमेरिकामा मात्रे कोरोना संक्रमणका कारण १ लाख ५७२ जनाको मृत्यु भएको छ भने १७ लाख २५ हजार बढी मानिस संक्रमणको शिकार भएको छन्।

यसैगरी इटलीमा ३२ हजार ९५५ जनाको ज्यान गएको छ । बेलायतमा ३७ हजार ४८ जनाको मृत्यु भएको छ । उता स्पेनमा पनि २७ हजार ११७ जनाको कोरोना संक्रमणको कारण ज्यान गएको पाइन्छ । पछिल्लो समय ब्राजिल पनि कोरोनाको चपेटामा परेको छ । त्यहाँ २४ हजार बढीले ज्यान गुमाएका छन्। यसैगरी फ्रान्समा २८ हजार ५३० जनाको मृत्यु भएको छ ।

यता भारतमा १ लाख ४५ हजार ३८० जनामा संक्रमण पुष्टि भइसेको छ भने ४ हजार १६७ जनाको ज्यान गएको छ । नेपालमा हालसम्म संक्रमितको संख्या ७७२ पुगेको छ भने ४ जनाको कोरोना संक्रमणका कारण मृत्यु भएको छ ।