तनाव र खानपानको सम्बन्ध के होला? शोधकर्ताहरूको भनाईअनुसार लामो समयसम्म तनाव भएमा त्यसको असर आन्द्रामा पर्छ र यसले पेट मात्र नभएर पूरै शरीरमा बाधा उत्पन्न गराउँछ ।

तनावको कारणले पेटमा कैयौं परिवर्तन आँउछन् र यसले दिमागमा पनि असर पार्छ । एक अध्ययनका अनुसार ‘गट’ ब्याक्टेरियाले पैदा गर्ने शर्ट चेन फ्याटी एसिड (एससीएफए) पेटका कोषहरूका लागि पोषणको प्रमुख स्रोत हो र खानामा फाइबरको उच्च मात्राले ‘शर्ट चेन फ्याटी एसिड’को उत्पादनलाई बढाउँछ ।

शोधकर्ताहरूका अनुसार प्रचुर मात्रामा फाइबरयुक्त खानेकुराले मानिसको तनावको स्तर कम गर्छ।  दाल, गेडागुडी, ओट्स, फलफूल, ड्राइ फ्रुट्स, दूग्धजन्य पदार्थ, हरियो सागसब्जीमा फाइबरको मात्रा धेरै हुन्छ।