हेल्थ टिभी अनलाइन : सरकारले वातावरणमा पोलियोको म्युटेट जीवाणु फेला परेपछि यही साउन ९ गतेदेखि ४ दिने विशेष खोप अभियान चलाएको छ । हिजोबाट सुरु भएको पोलियो खोप अभियान आज पनि जारी छ ।

काठमाडौं, भक्तपुर र ललितपुरमा यो अभियान सञ्चालन गरिएको हो । काठमाडौंको टुकुचा खोला र बागमती नदीको संगमस्थलबाट गत १३ जेठमा संकलन गरिएको ढलको नमूना परीक्षणका क्रममा म्युटेड पोलियो भाइरस देखा परेपछि तीन जिल्लामा विशेष खोप अभियान सञ्चालन गरिएको हो ।

यस विशेष अभियानमा जन्मेदखि ५ वर्ष मूनिका बालबालिकालाई थप पोलियो थोपा खुवाउन लागिएको स्वास्थ्य सेवा विभाग बालस्वास्थ्य तथा खोप शाखा प्रमुख डा अभियान गौतमले जानकारी दिए । उनले भने, पहिले पोलियो खोप लिइसकेको भए पनि बालबालिकालाई यो अभियानमा अनिवार्य थप खोपको रुपमा दिइनेछ । यो अभियान साउन १२ गतेसम्म सञ्चालन हुनेछ ।