हेल्थ टिभी अनलाइन : गर्मी मौसम र त्योसँगै वर्षात सुरु भएसँगै डेंगु फैलाउने लामखुट्टेको संख्यामा पनि वृद्धि हुनथाल्छ । पानीमा फूल पार्ने भएकाले स साना पानी जम्ने ठाउँबाट लामखुट्टेको संख्यामा अत्यधिक वृद्धि भई यो बेला डेंगुका बिरामी पनि बढ्न थाल्छन् ।

त्यसैले स्वास्थ्य तथा जनसंख्या मन्त्रालयले एक सूचना जारी गर्दै डेंगुबाट जोगिन सबैलाई लामखुट्टेको टोकाइबाट बच्न आग्रह गरेको छ । यसबाट बच्ने पहिलो उपाय भनेको आफनो वरिपरी पानी जम्न नदिने हो । ताकी पानीमा आएर लामखुट्टेले अण्डा पार्न नसकोस् ।

दोस्रो उपाय भनेको यसको टोकाईबाट जोगिन पूरा बाहुला भएको कपडा लगाउने, झ्याल ढोकामा जाली हाल्ने तथा साँझपख सकेसम्म बाहिर ननिस्कने गर्नुपर्छ । यसैगरी तेस्रो नम्बरमा यदि केही गरी ज्वरो आउने, टाउको दुख्ने भएमा तुरुन्त स्वास्थ्य संस्थामा सम्पर्क गर्नुपर्छ ।