६९ जिल्लामा फैलियो डेंगी संक्रमण
हेल्थ टिभी अनलाइन : नेपालमा ६९ जिल्लामा डेंगी संक्रमण फैलिएको छ । इपिडिमियोलोजी तथा रोग नियन्त्रण महाशाखा का अनुसार सन् २०२४ को सुरूदेखि जुन पहिलो सातासम्म देशभरका ६९ जिल्लामा एक हजार १०५ जनामा डेंगी संक्रमण देखिएको छ ।
जसमध्ये सबैभन्दा बढी बागमती र कोशी प्रदेशमा डेंगी सङ्क्रमण पुष्टि भएको छ । बागमतीमा प्रदेशमा ३८९ र कोशी प्रदेशमा २६४ जनामा डंगी पुष्टि भएको छ ।
मधेश प्रदेशमा २९, गण्डकी प्रदेशमा १७०, लुम्बिनी प्रदेशमा १२९ कर्णाली प्रदेशमा १५ र सुदूरपश्चिममा ११३ जनामा डेंगी पुष्टि भएको छ । जिल्ला अन्तर्गत काठमाडौं र झापामा सबैभन्दा बढी डेंगी संक्रमण पुष्टि भएको छ । काठमाडौँमा ११२, झापामा १०९ जनामा डेंगी पुष्टि भएको छ । त्यसैगरी, चितवनमा ७३, मकवानपुरमा ५८, सिन्धुपाल्चोकमा ४४, तनहुँ ३९, ओखलढुङ्गामा ३८, रुपन्देहीमा २८, डोटीमा ३० र भक्तपुरमा २७ जनामा डेंगी पुष्टि भएको छ ।
मुगु, डोल्पा, जुम्ला, बैतडी, मनाङ, मुस्ताङ, सिरहामा भने यो वर्ष हालसम्म डेंगी नभएको रोग नियन्त्रण महाशाखाले जनाएको छ । गत वर्ष ५२ हजार ७९० जनामा डेंगी संक्रमण पुष्टि भएको थियो । वर्षा सुरु हुनासाथ डेंगीको संक्रमण अझ बढी देखिने गर्छ ।
सामान्य स्वास्थ्य समस्यामा पनि एन्टीबायोटिकको प्रयोग गर्नु घातक
यस्ता छन् डेंगुबाट जोगिन अपनाउनुपर्ने तीन उपाय
सुदर्शन देवकोटा स्मृति स्वास्थ्य पत्रकारिता पुरस्कार न्यौपानेलाई
ग्लोबल आइएमई बैंक र आरुस लाइफस्टाइल अस्पतालबीच सम्झौता
आज अन्तर्राष्ट्रिय योग दिवस मनाइँदै