३० चैत्र २०८० , शुक्रबार

क्यान्सर सर्भाइभर्सले नाचगान गर्दै मनाए नयाँ वर्ष

हेल्थ टिभी अनलाइन : क्यान्सर सर्भाइभर्सले नाचगान गर्दै नयाँ वर्ष २०८१ लाई स्वागत गरेका छन्।

नेपाल क्यान्सर सपोर्ट ग्रुपको आयोजना तथा उपचारका लागि सहयोगी हातहरु तथा नेपाल क्यान्सर अस्पताल तथा रिसर्च सेन्टरको समन्वयमा आयोजना भएको कार्यक्रममा उनीहरुले एक आपसमा खुशी साटासाट गर्दै नयाँ वर्ष मनाएका हुन्।

क्यान्सरलाई जितेर स्वस्थ जीवनयापन गरिरहेका उनीहरुले आ आफनो प्रतिभा देखाएका थिए । क्यान्सर लाग्दैमा जीवन सकिंदैन भन्ने सन्देश दिन विभिन्न जनचेतनामूलक कार्यक्रम गर्दै आएका उनीहरुले यसपटक भने ४६ औं क्यान्सर सर्भाइभर मिटका रुपमा आ आफूमा भएको प्रतिभा देखाएर नयाँ वर्षमा अझ उमंग थप्ने जमर्को गरेका छन् । यसमा क्यान्सर विशेषज्ञ, सपोर्ट ग्रुपका पदाधिकारी तथा अस्पतालका कर्मचारीले उनीहरुलाई साथ दिएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।