हेल्थ टिभी अनलाइन \काठमाडौं : मुटुरोेग विशेषज्ञ डा ओम मूर्ति अनिलद्धारा लिखित जीवन्त सम्बन्ध’ पुस्तक सार्वजनिक भएको छ । काठमाडौंमा शुक्रबार भएको एक कार्यक्रमकाबीच डा ओम मूर्तिकी आमा राजकुमारी देवी सिंहले पुस्तक सार्वजनिक गरेकी हुन् ।

संस्मरणात्मक शैलीमा लेखिएको उक्त पुस्तकमा जीवन, सम्बन्ध, संस्कार सफलता, असफलता सुख दुख लगायतका जीवनमा आइपर्ने र भोग्नुपर्ने विषयवस्तु रहेको डा अनिलले जनाएका छन्।

इन्स्टिच्युट अफ मेडिसिनका पूर्व डीन प्राडा जगदीश प्रसाद अग्रवालले लेखकको व्यक्तित्व तथा कृतिमाथि प्रकाश पारेका थिए  भने डा रविन्द्र समिरले पुस्तकमाथि समिक्षा गरेका थिए । पुस्तक सार्वजनिक कार्यक्रमका प्रमुख अतिथिका रुपमा रहेको वरिष्ठ हाँस्यकलाकारद्धय मदनकृष्ण श्रेष्ठ र हरिवंश आचार्यले डा ओमको चिकित्सकीय साथै लेखन कलाको खुलेर प्रशंसा गरेका थिए ।

यो पुस्तक डा अनिलको दोस्रो कृति हो । यसअघि उनले १० वर्षअघि म पनि डाक्टर नामक पुस्तक लेखेका थिए । अहिले सार्वजनिक भएको जीवन्त सम्बन्ध पुस्तकको मूल्य ६ सय रुपैयाँ रहेको छ । यस पुस्तकबाट उठेको रकम डा ओम फाउन्डेसन मार्फत विपन्न जेष्ठ नागरिकको उपचारमा खर्च गरिने जनाइएको छ ।