हेल्थ टिभी अनलाइन\ काठमाडौं: लकडाउनका बेला औषधि सकिएर के गर्ने भन्ने सोचाईमा हुनुहुन्छ ? महाराजगंजस्थित मेट्रो काठमाडौं अस्पताल परिसरमा रहेको ट्वान्टी फोर सेभेन फार्मेसीले घर घरमा औषधि पुर्याउँदै आएको छ ।

कोरोना रोकथाम तथा नियन्त्रणका लागि भन्दै सरकारले तीन साताका लागि लकडाउन गरेको छ । त्यसलै कोही पनि घरबाहिर निस्कन पाएका छैनन् भने यातायात पनि चलेका छैनन्।

सरकारले औषधि पसललाई खोल्न दिने भने पनि सर्वसाधारण फार्मेसीसम्म जान सकिरहेका छैनन्। बिरामीको यही  समस्या मध्यनजर गर्दै अर्डर अनुसार घर घरमा ओषधि पुर्याउँदै आएको ट्वान्टी फोर सेभेन फार्मेसीका सिईओ जागृत ओझाले जानकारी दिए । उनले भने, ‘हामीले बिरामीको आवश्यकता महशुस गरेर अर्डर बमोजिम औषधि घर घरमा पुर्याउँदै आएका छौं । यसका लागि हामीले एप्स बनाएका छौं जुन एप प्ले स्टोरमा गएर डाउनलोड गर्न सकिन्छ ।’

उनले ट्वान्टी फोर सेभेनको फेसबुक पेज र वेभसाइटबाट पनि औषधि अनलाइन अर्डर गर्न सकिने जनाए । हाललाई काठमाडौं, भक्तपुर, ललितपुर र पोखरामा औषधि पुर्याउँदै आएकोमा यसको दायरा बढाउँदै लाने पनि उनले जानकारी गराए । औषधिलाई सुरक्षित तरिकाले फर्मासिष्टद्धारा सेनिटाइज गरी प्याक गरेर पठाउने गरिएको छ ,उनले भने ।