७ फाल्गुन २०७५ , मङ्लबार

स्वास्थ्य शिविरमै मृत्यु

सप्तरी : स्वाथ्य मन्त्रालयद्वारा राजविराजमा सञ्चालित स्वास्थ्य शिविरमा उपचारका लागि आएका एक व्यक्तिको मृत्यु भएको छ।

कञ्चनरूप नगरपालिका ६, धरमपुरका ६५ वर्षीय गंगा मोचीको मृत्यु भएको हो। मुटु तथा उच्च रक्तचापको समस्या रहेका मोची शिविरको अस्थायी शौचालयमा मंगलबार बिहान मृत फेला परेका हुन्। हृदयाघातका कारण उनको मृत्यु भएको हुनसक्ने अनुमान चिकित्सकहरूले गरेका छन्।

पत्नि र छोरीसहित उनी उपचारका लागि सोमबार राजविराज आएका थिए। नाम दर्ता गराउन नसकेपछि उनी शिविर सञ्चालित पवि माविको कम्पाउण्डमै बसेका थिए। बिहान ५ बजे शौचालय गएका मोची लामो समयसम्म नफर्किएपछि हेर्न जाँदा मृत अवस्थामा फेला परेको पत्नी धनेश्वरीले बताइन्।

घटनाको बारेमा थप अनुसन्धान भइरहेको जिल्ला प्रहरी कार्यालय सप्तरीका इन्स्पेक्टर गुरु तिमल्सिनाले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।