कुनवेला के खाने? के नखाने?
कुन खानेकुरा कतिवेला खाँदा के फाइदा\बेफाइदा हुन्छ भन्ने ज्ञान धेरैमा हुँदैन। जतिवेला जे खानेकुरा भेट्यो त्यही खाने धेरैको बानी हुन्छ।
पोषणविज्ञहरूका अनुसार खानाअनुसार खाने समय मिलाउँदा शरीरलाई फाइदा पुग्छ जतिवेला जे पायो खाँदा शरीरलाई बेफाइदा हुन्छ।
भात
भात बिहान खानु ठीक, बेलुकी खानु बेहीक भन्ने धेरैको सोचाइ छ, तर राति भात खानु राम्रो हुने पोषणविज्ञहरू बताउँछन्। भात छिटो र राम्रोसँग पच्छ जसले गर्दा राति निद्रा पनि राम्रो लाग्छ। तर राति थोरै भात खानुपर्छ। बिहान र बेलुका दुवै छाक भात खानुचाहिँ ठीक होइन।
दाल
बिहान र दिउँसोको खानासँग दाल खानु राम्रो मानिएकाे छ । दिउँसो दाल खाँदा राम्रोसँग पच्ने र पेटमा ग्याँस भरिने खतरा हुँदैन। राति भने सकेसम्म दाल नखाने सल्लाह दिइन्छ। किनभने दाल छिटो पच्दैन ।
दूध
दूध राति पिउनु उपयुक्त मानिन्छ। सुत्नुअघि दूध पिउँदा राम्रो निद्रा लाग्छ। तर दूध जुनसुकै बेला पनि पिउन सकिने बताइन्छ।
दही
दही खाने राम्राे समय दिउँसो हो। राति भुलेर पनि दही नखानुस्। राति दही खाँदा रुघाखोकी तथा कफको समस्या सिर्जना हुनसक्छ।
चिनी
चिनी पनि दिउँसो नै खानु उपयुक्त हुन्छ। राति गुलियो खाँदा मधुमेहको खतरा बढ्छ। राति चिनी खाँदा राम्रोसँग निद्रा नलाग्न सक्छ।
कफी
कफी बिहान पिउनु राम्राे मानिन्छ तर खाली पेटमा हाेइन। बिहान पिइएको कफीले शरीरलाई ऊर्जा प्रदान गर्छ भने निद्रासमेत लाग्न दिँदैन। साँझ ७ बजेपछि कफी पिउँदा निद्रामा असर पर्छ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो