१३ माघ २०७५ , आइतवार

डा. केसीको सर्मथनमा बीपी कोइराला स्वास्थ्य विज्ञान प्रतिष्ठानका डाक्टर आन्दोलित

धरान : अनशनरत डा. गोविन्द केसीको सर्मथनमा धरानस्थित बीपी कोइराला स्वास्थ्य विज्ञान प्रतिष्ठानका ४५० डाक्टर अनिश्चितकालिन आन्दोलनमा उत्रिएका छन्। विरामी जाच्न छाडेर प्रतिष्ठानका जुनियर रेसिडेण्ट वेलफेर सोसाइटीका अध्यक्ष डा. कविराज पौडेलको नेतृत्वमा डाक्टरहरू आइतबारदेखि आन्दोलनमा उत्रिएका हुन्।

सरकारले डा. केसीका जायज माग सम्बोधन नगरेको तथा बलपूर्वक राष्ट्रिय चिकित्सा शिक्षा विधेयक पारित गरेको भन्दै डाक्टरले आकस्मिक सेवाबाहेकका सबै काम छाडेर प्रतिष्ठानको जनरल ओपीडी अगाडि धर्ना शुरु गरेका हुन्।

जुनियर डाक्टरहरूले ओपीडी, वार्डमा समेत काम बहिष्कार गरी आन्दोलनमा उत्रिएका कारण प्रतिष्ठानमा उपचारका लागि भर्ना भएका र उपचार गर्न आउने बिरामी मर्कामा परेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।