काठमाडौं : प्रमुख प्रतिपक्षी कांग्रेसको विरोधका बाबजुद चिकित्सा शिक्षा विधेयक संसदबाट पारित भएको छ।

विधेयक डा. गाेविन्द केसीसँग भएकाे सहमतिकाे आधारमा पेश हुनुपर्ने र आफ्ना दुई नेता स्व. गिरिजाप्रसाद कोइराला तथा स्व.सुशील कोइरालाको नाममा खोलिएका अस्पताललाई स्वीकृति दिनुपर्ने भन्दै कांग्रेस सांसद्हरूले उभिएर विरोध जनाएका थिए।

पटकपटक बस्न अनुराेध गर्दा नमानेपछि सभामुख कृष्णबहादुर महराले टेबल गर्न शिक्षामन्त्री गिरिराजमणि पाेखरेललाई अनुमति दिए।

कांग्रेस सांसदहरूले मन्त्री पोखरेललाई रोक्न खोजे पनि मर्यादापालकले रोष्ट्रममा पुर्‍याए। त्यससँगै सभामुख महराले विधेयकमाथि छलफल गर्न समय दिए। तर, कसैले पनि भाग लिएनन्।

यससँगै सभामुखले राष्ट्र्रिय चिकित्सा शिक्षा विधेयक, २०७५ बहुमतले पारित गरेकाे घाेषणा गरे। अर्को बैठक माघ १७ गते बस्ने गरी स्थगित भएको छ।