६ माघ २०७५ , आइतवार

आईसीयूबाट क्याबिनमा सारिए डा. केसी

काठमाडौं : त्रिवि शिक्षण अस्पतालमा उपचाररत डा. गोविन्द केसीलाई आईसीयूबाट सिंगल क्याबिनमा सारिएकाे छ।

आईसीयूभित्रै संक्रमण हुने खतरालाई मध्यनजर गर्दै उनलाई आइतबार अपराह्न ई सिंगल क्याबिनमा सारिएको आईसीयू इन्चार्ज डा. सुवास आचार्यले बताए।

रोगसँग लड्नसक्ने क्षमता कमजोर भएकाले आईसीयूमा राख्दा समस्या थपिने भएकाले पनि उनलाई क्याबिनमा सारिएकाे बताइएकाे छ। डा.केसीलाई भएको भनिएकाे निमोनिया पनि नियन्त्रणमा आएको डा. आचार्यले जानकारी दिए।

डा. केसीले पनि सर्वसाधारणलाई आवश्यक पर्ने आईसीयू ओगटेर नबस्ने बताएका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।