४ माघ २०७५ , शुक्रबार

स्वास्थ्यमा गम्भीर समस्या देखिएपछि डा गोविन्द केसीलाई काठमाडौं ल्याइयो

काठमाडौं : नौ दिनदेखि आमरण अनसनमा रहेका डा. गोविन्द केसीको स्वास्थ्य अवस्था गम्भीर भएपछि राति नै काठमाडौं ल्याइएको छ ।

विहीबार साँझबाट उनको मुटुको चाल अस्थिर भएपछि चिकित्सकले कुनै पनि वेला मुटुले काम गर्न छोड्ने भन्दै तत्काल काठमाडौँ लैजान सुझाव दिएका थिए ।

सोही अनुसार राती नै झापाको भद्रपुर सम्म एम्बुलेन्स र त्यसपछि नेपाली सेनाको नाइटभिजन हेलिकप्टरमा काठमाडौँ ल्याएको हो । डा केसीलाई त्रिवि शिक्षण अस्पताल महाराजगञ्जको आइसियूमा राखेर उपचार शुरु गरिएको छ ।

धरानस्थित बीपी कोइराला स्वास्थ्य विज्ञान प्रतिष्ठानबाट विशेषज्ञ चिकित्सकको टोलीले उनलाई बुधवार नै तुरुन्त सघन उपचार कक्षमा राखेर उपचार गर्न सुझाव दिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।