२ माघ २०७५ , बुधबार

कोइरालाको नाममा खुल्न लागेको अस्पताल विघटन गर्न खोजेको कांग्रेसकाे आराेप

काठमाडौं : पूर्वप्रधानमन्त्री गिरिजाप्रसाद कोइरालाको नाममा खुल्न लागेको अस्पताल विघटन गर्न खोजेको भन्दै कांग्रेसले आपत्ति जनाएको छ ।

बुधबारको राष्ट्रियसभा बैठकमा विशेष समय लिएर कांग्रेस सांसद सुरेन्द्रराज पाण्डेले पूर्वप्रधानमन्त्री कोइरालाको नेतृत्वमा तनहुँमा खोल्न लागिएको श्वासप्रश्वाससम्बन्धी अस्पताल सरकारले विघटन गर्न खोजेको भन्दै आपत्ति जनाएका हुन् ।

सरकार निकै असहिष्णु बनेको आरोप लगाउँदै पाण्डेले कांग्रेस तर्साएर नतर्सिने बताए। ‘विगतमा धेरैले तर्साउन खोजे । राणाले तर्साउन खोजे, पञ्चायतले तर्साउन खोजे, माओवादीको बन्दुकले तर्साउन खोज्यो तर कांग्रेस तर्सिएन’, पाण्डेले भने।

प्रतिपक्षलाई निषेध नगर्न सरकारलाई उनले सुझाव दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।