२९ पुस २०७५ , आइतवार

काठमाडौंमा भेटिइन् स्वाइन फ्लुकी एक बिरामी

काठमाडौं : उपत्यकामा स्वाइन फ्लुका एक बिरामी भेटिएका छन्। टेकुस्थित शुक्रराज ट्रपिकल तथा सरुवा रोग अस्पतालमा एक महिलामा स्वाइन फ्लु पुष्टि भएको हो।

आइतबार बिहान रुघाखोकी तथा ज्वरो लागेर आएकी एक युवतीमा स्वाइन फ्लुको संक्रमण देखिएको अस्पतालका सरुवा रोग विशेषज्ञ डा. शेरबहादुर पुनले जानकारी दिए।

ती महिला गम्भीर खालको रुघाखोकी र ज्वरो आएपछि अस्पतालमा उपचारका लागि आएकी थिइन्। शंका लागेर केन्द्रीय जनस्वास्थ्य प्रयोगशाला टेकुमा नमुना जाँच गर्दा संक्रमण पुष्टि भएको हो।

काठमाडौंमा स्थायी रूपमा बस्ने युवतीमा स्वाइन फ्लु देखा परेकाले उच्च सतर्कता अपनाउनुपर्ने डा. पुनले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।