२९ पुस २०७५ , आइतवार

असन्तुष्ट स्वास्थ्यकर्मीसँग सरकारले वार्ता गर्ने, गठन भयाे वार्ता टोली

काठमाडौं : स्वास्थ्य तथा जनसंख्या मन्त्रालयले एक सातादेखि आन्दोलनमा उत्रिएका सरकारी चिकित्सक संघ तथा हेल्थ असिस्टेन्ट संघ नेपालसँग वार्ता गर्न तीन सदस्य वार्ता टोली गठन गरेको छ।

आइतबार स्वास्थ्य तथा जनसंख्या मन्त्री उपेन्द्र यादवले मन्त्रिस्तरीय निर्णय गर्दै स्वास्थ्य सेवा विभागका महानिर्देशक डा. गुणराज लोहनीको संयोजकत्वमा तीन सदस्यीय वार्ता टोली गठन गरेका हुन्।

टोलीका अन्य सदस्यमा समन्वय महाशाखा प्रमुख महेन्द्रप्रसाद श्रेष्ठ र कर्मचारी प्रशासन महाशाखा प्रमुख जनार्दन गुरागाई छन्। सरकारले वार्ता टोली गठन गरे लगत्तै आन्दोनरत पक्षलाई सोमबार वार्तामा बोलाएको छ।

नयाँ संरचनाको दरबन्दी एवम कर्मचारी समायोजन लगायतका विषयमा असन्तुष्टि जनाउँदै सरकारी चिकित्सक र हेल्थ असिस्टेन्टहरूले आन्दोलन गर्दै आएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।