२७ पुस २०७५ , शुक्रबार

प्रदेश ५ मा फेरियाे चार अस्पतालकाे नाम

काठमाडौं : प्रदेश ५ सरकारले मातहतमा रहेका अस्पतालहरूको नाम परिवर्तन गरिएको छ। सामाजिक विकास मन्त्रालयले गरेको सिफारिसका आधारमा प्रदेश मन्त्रिपरिषदले अञ्चल अस्पतालको नाम परिवर्तन गरेको हाे।

देश प्रदेश संरचनामा गइसकेको र अञ्चल नरहेको अवस्थामा प्रदेश संरचना अनुसार अस्पतालहरूको नाम परिवर्तन गरिएको सामाजिक विकासमन्त्री सुदर्शन बरालले बताए।

प्रदेश सरकारले बुटवलको लुम्बिनी अञ्चल अस्पतालकाे नाम लुम्बिनी प्रादेशिक अस्पताल राखेकाे छ। दाङ तुल्सीपुरको राप्ती अञ्चल अस्पताल, राप्ती प्रादेशिक अस्पतालमा परिणत भएकाे छ। नेपालगञ्जको भेरी अञ्चल अस्पताल, भेरी प्रादेशिक अस्पताल बनेकाे छ।

यस्तै दाङ बिजौरीको मध्यपश्चिम क्षेत्रीय आयुर्वेद चिकित्सालयलाई आयुर्वेद चिकित्सालय बनाइएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।