२२ पुस २०७५ , आइतवार

आन्दोलनमा जाने आयुर्वेद चिकित्सक संघकाे चेतावनी

काठमाडौं : नेपाल आयुर्वेद चिकित्सक संघले सरकारले आफूहरूको मागप्रति बेवास्ता गरेको भन्दै आन्दोलनमा जाने चेतावनी दिएको छ।

कर्मचारी समायोजन प्रक्रिया अगाडि बढाएकोमा विरोध जनाउँदै संघले सरकारले स्वास्थ्यकर्मीको मनोबल गिराउने कार्य जारी राखेको र आफूहरूले राखेको मागको सुनुवाइ नभएको भन्दै आन्दोलनको चेतावनी दिएको हो।

आइतबार विज्ञप्ति निकाली संघले सरकारी चिकित्सक संघले राखेका माग एवं आन्दोलनमा समेत ऐक्यबद्धता जनाएको छ।

आयुर्वेदको संरचना र समायोजनको विषयमा आयुर्वेद चिकित्सक संघ, सिभिल आयुर्वेद चिकित्सक संघ र नेपाल आयुर्वेद स्वास्थ्यकर्मी समाजले स्वास्थ्यमन्त्री, राज्यमन्त्री, स्वास्थ्य सचिव लगायत संघीय मामिला तथा सामान्य प्रशासन मन्त्रालयको ध्यानाकर्षण गरेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।