९ पुस २०७५ , सोमवार

स्वास्थ्य मन्त्रालयका दुई सचिवको कार्यकक्ष व्यवस्थापन, काम बाँडफाँड मन्त्रिपरिषदले गर्ने

काठमाडौं : स्वास्थ्य तथा जनसंख्या मन्त्रालयका दुई सचिवको कार्यकक्ष व्यवस्थापन भएको छ। दुई सचिवका कारण कार्यकक्षमा कहिले डा. पुष्पा चौधरी त कहिले केदारबहादुर अधिकारी बस्दै आएका थिए।

शुक्रबार कार्यकक्षमा डा. चौधरी बसेकी थिइन् भने आइतबार अधिकारी। तर, सोमबार मन्त्रालयले सचिव चौधरीलाई पहिलाकै कार्यकक्षमा र अधिकारीलाई मन्त्रीका प्रमुख सल्लाहकार डा. केके राई बस्ने कोठामा व्यवस्थापन गरेको हो।

कोठासँगै मन्त्रालयले सचिव डा. चौधरीलाई स्वास्थ्य र अधिकारीलाई जनसंख्या र प्रशासनको जिम्मा दिने भएको छ। कामकाे जिम्मेवारी भने साेमबार बस्ने मन्त्रिपरिषद् बैठकले निर्णय गर्नेछ। सचिवकाे टुंगाे नलागेका कारण मन्त्रालयकाे कामकाज प्रभावित भएकाे छ।

मन्त्रिपिरषद्काे निर्णय नआएसम्मका लागि सम्पूर्ण जिम्मेवारी सचिव अधिकारीलाई दिइएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।