महिला स्वास्थ्य स्वयंसेविकालाई छ हजार भत्ता
बैतडी : महिला स्वास्थ्य स्वयंसेविकालाई वार्षिक एकमुष्ट छ हजार प्रोत्साहन भत्ता दिने भएको छ।
पाँच हजार भत्ता उपलब्ध गराइँदै आएकामा एक हजार थप गरेर यो वर्ष छ हजार रुपैयाँ पुर्याएको गाउँपालिकाका अध्यक्ष चक्र कार्कीले जानकारी दिए।
महिला स्वास्थ्य स्वयंमसेविकाले सुरक्षित प्रसूति सेवा, बालबालिकालाई खोप, गर्भवतीलाई आइरन चक्की वितरण, बालबालिकालाई भिटामिन खुवाउनेलगायत स्वास्थ्यका आधारभूत विषयमा सहयोग गर्दै आइरहेका छन्।
गाउँपालिकाका आठवटै वडामा ८६ महिला स्वास्थ्य स्वयंसेविका छन्। जिल्लाका १० वटै स्थानीय तहमा ८३१ महिला स्वास्थ्य स्वयंसेविका रहेको जिल्ला जनस्वास्थ्य कार्यालयको तथ्याङ्क छ।
जुनसुकै अवस्थामा पनि स्वास्थ्य स्वयंसेविका खटिने गरेकाले उनीहरूको योगदानको कदर गर्दै प्रोत्साहन भत्ता बढाएको कार्कीले बताए।
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?
यसकारण खानुपर्छ टुसाएका गेडागुडी