जाडोमा छाला सुख्खा हुनबाट जोगिन डा धर्मेन्द्र कर्णका १० टिप्स
हेल्थ टिभी अनलाइन : जाडो याममा हाम्रो छाला सुख्खा हुनु सामान्य हो । तर कसै कसैको छाला यति धेरै सुख्खा पर्छ की उनीहरुलाई औषधि तथा उपचारको आवश्यकता पर्छ । मौसम परिवर्तनको असर हाम्रो स्वास्थ्यमा परे जस्तै छालामा पनि यसको असर पर्छ र छालामा त्यसका लक्षणहरु देखिन थाल्छन्। समस्या गम्भीर हुनुभन्दा पहिले नै यसको स्याहार गर्न जरुरी हुन्छ । कतिपय व्यक्तिले छालाको स्याहार गर्न नसक्दा छाला बढी सुख्खा भएर चिरा पर्ने, चिलाउने र घाउ समेत हुने गर्छ । यस्तो हुनुभन्दा पहिले नै हामीले केही सावधानी अपनायौं भने जाडोमा छाला सुख्खा हुने समस्याबाट बच्न सक्छौं । ती सावधानी यसप्रकार रहेका छन्।
१. जाडोमा चिसो भयो भनेर बढी तातो पानीले ननुहाउने, मनतातो पानीको मात्र प्रयोग गर्ने ।
२. जाडोमा अनुहार यसै पनि सुख्खा भएको हुन्छ, त्यसैले फेस वासको प्रयोग नगरी पानीले मात्र मुख धुने ।
३. नुहाइसकेपछि पुरै शरीरमा तेल अथवा मोस्चराइजिङ क्रिम अनिवार्य लगाउने ।
४. वुलनको कपडा छालामा टाँसिने गरी नलगाउने, सकेसम्म भित्र सुतीको कपडा लगाउने ।
५. शरीरमा साबुन लगाउँदा धेरै नमिच्ने, धेरै मिच्दा छालाको पहिलो लेयर नष्ट हुन्छ र छाला अझ बढी सुख्खा हुन्छ ।
६. पुरै शरीर ढाकिने गरी कपडा लगाउने।
७. जाडोमा चिसो भयो भन्दै धेरैले पानी कम पिएको पाइन्छ । तर यो बेला अझ बढी पानी पिउनु पर्छ ।
८. हिटर वा आगो बाल्दा कोठामा हावा पास भए नभएको ख्याल गर्ने ।
९. जाडो महिनामा आगो वा हिटरको नजिकै बस्ने गरेको पाइन्छ । यसले डिहाइड्रेसन बढेर सुख्खापनको समस्या हुन्छ। आगो ताप्दा एक मिटर पर मात्र बस्ने ।
१०. यदि छाला बढी नै सुख्खा भएर घाउ समेत हुन थालेको छ भने चिकित्सकको सल्लाह लिने ।







Pledges to Curb Antimicrobial Resistance Must Urgently Translate into Action
वरिष्ठ युरोलोजिष्ट डा सञ्जय खड्गीलाई अन्तराष्ट्रिय अवार्ड
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो