डेंगुबाट बच्न के गर्ने ?
हेल्थ टिभी अनलाइन \काठमाडौं : डेंगु रोगबाट बच्ने एक मात्र उपाय भनेको लामखुट्टेको टोकाईबाट जोगिनु नै हो । यदि हामी लामखुट्टेको टोकाइबाट बच्न सक्यौं भने डेंगुबाट यसै पनि बच्न सकिन्छ । डेंगु एडिस एजिप्टाई नामक लामखुट्टेको टोकाईबाट हुने हुँदा यसबाट जोगिन जरुरी हुन्छ ।
यसका लागि के के गर्ने त ?
पहिलो कुरा त यो जातको लामखुट्टे सफा पानी, पानी जम्ने स साना टीनका भाँडा, प्लाष्टिकका बट्टा, गमलाको पानी, पानी ट्यांकी, कुलर लगायतमा फुल पार्ने हुँदा यी स्थानमा पानी जम्न नदिने र सफा गरिरहने गर्नुपर्छ । यसैगरी राती सुत्दा झूल लगाएर सुत्ने, पूरा बाहुला भएको पुरै शरीर ढाकिने कपडा लगाउने, घरको झ्यालमा जाली हाल्ने, लामखुट्टे देखिएमा धुप बाल्ने गर्नुपर्छ । एडिस जातको लामखुट्टेले बढी मात्रामा साँझ घाम अस्ताउने बेला अघि र घाम उदाएको केही समयपछि बढी सक्रिय हुने हुँदा यो बेला अझ बढी चनाखो हुनुपर्छ ।
यदि एक्कासरी ज्वरो आउने, शरीर दुख्ने, वाकवाकी लाग्ने, थकान महशुस हुने, टाउको भारी हुने जस्ता लक्षण देखिएमा तुरुन्त स्वास्थ्य संस्थामा गई डेंगु जाँच गर्न आवश्यक छ ।
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा