स्तनमा गिर्खा वा गाँठागुठीको समयमै पत्ता लगाउन आफैँले स्तनको परीक्षण गर्ने तरिकाबारे जानकारी लिनुहोस् र सिक्नुहोस्। म्यामोग्राफीबारे चिकित्सकसँग सल्लाह लिनुहोस्।

महिलाले ३० वर्षको उमेरदेखि नै नियमित रुपमा ‘प्याप स्मेयर’ परिक्षण गराएमा पाठेघरको मुखको क्यान्सर समयमै पत्ता लगाउन सकिन्छ।

सुर्तीजन्य पदार्थको सेवन र धूमपान नगर्ने। यसले क्यान्सर मात्र नभई अन्य विभिन्न रोग लाग्ने जोखिम पनि कम गर्छ।

सन्तुलित आहारलाई बढी जोड दिने र आफ्नो स्वस्थ तौललाई कायम राख्ने।

प्रसस्त मात्रामा फलफूल, सागसब्जी र दुधबाट उत्पादित चिल्लो कम भएका सामग्रीको उपभोग गर्ने।

स्वस्थ रहन नियमित शारीरिक व्यायाम गर्ने र स्वस्थकर जीवनशैली अपनाउने।

यदि शंकास्पद लक्षण देखिएमा वा परिवारमा कोही व्यक्तिलाई पहिला क्यान्सर भएको इतिहास भएमा आफ्नो जाँच गराउनुहोस्।

चिकित्सकको सल्लाह लिएर पाठेघरको मुखको क्यान्सर विरुद्ध एचपीभी खोप लगाउनुहोस्।