१८ चैत्र २०७५ , सोमवार

प्रधानमन्त्री ओली हावाहुरी प्रभावित क्षेत्रमा जाँदै

काठमाडौं : हावाहुरी प्रभावित क्षेत्रमा प्रधानमन्त्री केपी शर्मा ओली जाने भएका छन्। उपचारमा कुनै कसर बाँकी नराख्नु भनी हिजो साँझ नै निर्देशन दिएका प्रधानमन्त्री ओली आज त्यसतर्फ जाने भएका हुन्।

प्रधानमन्त्री ओलीसँगै स्वास्थ्य तथा जनसंख्यामन्त्री उपेन्द्र यादव र गृहमन्त्री रामबहादुर थापा जान लागेको स्वास्थ्य मन्त्रालयकी सचिव डा पुष्पा चौधरीले बताइन्। उनले भनिन, स्वास्थ्य मन्त्रालयले स्वास्थ्यकर्मीको टोली हिजोदेखि नै परिचालन गरेको छ । थप स्वास्थ्यकर्मी पठाउने तयारी पनि भइरहेको छ। यसका साथै गम्भीर घाइते ८ जनालाई काठमाडौं ल्याउने तयारी भएको समेत उनले जानकारी दिइन्।

बारा र पर्सामा आइतबार साँझ गएको विनासकारी हावाहुरीबाट ३६ जनाको ज्यान गइसेकेको छ भने सयौंको संख्यामा घाइते भएका छन्।

।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।