सर्पले डसे के गर्ने?

सर्पले डसेको मिनेटभित्रै शरीरमा भएका कस्सिएका गहना र कपडा फुकाल्नुपर्छ। दह्रो गरी पट्टी बाँध्नुहुँदैन ।

जुन ठाउँमा डसेको छ, उक्त भागलाई मुटुको तहभन्दा तल राख्नुपर्छ।

जस्तो छ, त्यस्तै अवस्थामा घाइतेलाई स्थिर राख्नुपर्छ। यसो गर्दा विष शरीरका अन्य भागमा फैलिन सक्दैन।

जुन ठाउँमा टोकेको छ, उक्त ठाउँमा हल्का कपडाले छोप्नुपर्छ। बिरामीलाई शान्त राख्ने प्रयास गर्नुपर्छ।

सर्पले टोकेको चार घण्टाभित्र ‘एन्टिवेनम इन्जेक्सन’ दिनुपर्छ।

चुसेर विष निकाल्ने प्रयास गर्नुहुँदैन। चिया, कफी र अल्कोहल पिउनु हुँदैन ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।