हेल्थ टिभी अनलाइन : वरिष्ठ मिर्गौला रोग विशेषज्ञ डा ऋषि कुमार काफ्लेलाई पु्त्रशोक परेको छ । काफ्लेका एक्ला छोरा इन्जिनियर निरीष काफ्लेको आफैले चलाएको कार दुर्घटनामा परेर मृत्यु भएको हो ।

शुक्रबार हेटौंडा जाने क्रममा निरीषले चलाएको कार दुर्घटनामा पर्दा उनको घटनास्थलमै मृत्यु भएको पारिवारिक स्रोतले जनाएको छ । ४१ वर्षीय उनी अमेरिका बस्दै आएका थिए भने नेपाल आएको ४ महिना भएको थियो । डा काफ्लेकी छोरीको पनि केही वर्ष अघि मृत्यु भएको थियो ।

डा काफ्ले चिकित्सा क्षेत्रमा मात्र नभएर सामाजिक कार्यमा पनि त्यत्तिकै सक्रिय चिकित्सकका रुपमा परिचित छन्।