१७ माघ २०८१ , बिहिबार

एचपीभी खोप अभियानका लागि मनिषा कोइराला सदभावना दूत

हेल्थ टिभी अनलाइन : चर्चित अभिनेत्री मनिषा कोइराला एचपीभी खोप अभियानका लागि सदभावना दूत नियुक्त भएकी छिन्। आगामी माघ २२ गतेदेखि देशभर एचपीभी खोप अभियान सुरु हुँदैछ ।

स्वास्थ्य तथा जनसंख्या मन्त्रालयले बुधबार कोइरालालाई सो अभियानको सदभावना दूतका रुपमा नियुक्त गर्ने सहमति पत्रमा हस्ताक्षर गरेको हो।

सो अवसरमा बोल्दै स्वास्थ्य मन्त्री प्रदीप पौडेलले १० वर्षदेखि १४ वर्ष उमेर समूहका १६ लाख किशोरीहरूलाई सरकारले खोप उपलब्ध गराउने बताए।

कार्यक्रममा अभिनेत्री कोइरालाले यस खोप अभियानमा सहभागी हुन पाउँदा आफूलाई खुसी लागेको बताइन्। उनले यसको महत्त्वबारे स्पष्ट पार्दै अभियानमा आफू सक्रिय रुपमा सहभागी हुने र यसमा सबैको साथको आवश्यक रहेको बताइन ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।