२० कार्तिक २०८१ , मङ्लबार

सिकलसेल उपचारका लागि भेरी अस्पतालमा छुट्टै वार्ड स्थापना हुने

हेल्थ टिभी अनलाइन : पश्चिम तराईका थारु समुदायमा ठूलो स्वास्थ्य समस्याका रूपमा देखिएको सिकलसेल एनिमिया रोगको उपचारका लागि भेरी अस्पताल नेपालगञ्जमा बेग्लै वार्ड स्थापना हुने भएको छ ।

स्वास्थ्य तथा जनसंख्या मन्त्री प्रदीप पौडेलले मन्त्रीस्तररीय निर्णय गर्दै सिकलसेलका बिरामीको लागि विशेष वार्ड स्थापना गर्ने भएका हुन्। यस व्यवस्थाले अहिलेभन्दा सिकलसेल बिरामीका लागि उपचार सहज हुने आफूले विश्वास लिएको पनि उनले जनाएका छन्।

उनले भनेका छन्, ‘१२ प्रतिशत थारु जनसंख्या सिकार हुँदै आइरहेको यो समस्यासँग जुध्न थप उपाय खोजीमा हाम्रो प्राथमिकता रहनेछ । यस कार्यमा हामी तपाईंको रचनात्मक सुझावको अपेक्षा गर्दछौं ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।