१९ कार्तिक २०८१ , सोमवार

स्तन क्यान्सरबारे सचेतना जगाउन ‘पिंक क्यान्डल लाइट इभेन्ट’

हेल्थ टिभी अनलाइन : नेपाल क्यान्सर अस्पताल तथा रिसर्च सेन्टरले स्तन क्यान्सरबारे सचेतना जगाउन पिंक क्यान्डल लाइट इभेन्ट गरेको छ ।

अक्टोबर महिनालाई स्तन क्यान्सर सचेतना महिनाका रुपमा लिइने भएकाले यो महिनाभर अस्पतालले विभिन्न कार्यक्रम गरेको थियो । गत मंगलबार अस्पतालले हार्ड रक क्याफेसँको सहकार्यमा पिंक दीप प्रज्वलन कार्यक्रम गरेको थियाे । उक्त कार्यक्रममा उपचारका लागि सहयोगी हातहरु र नेपाल क्यान्सर सपोर्ट ग्रुपको पनि सहकार्य रहेको थियो । आशाको लागि ज्योति भन्ने नारासहित सबै जनाले पिंक कलरको ड्रेस लगाएर पिंक नै दीप प्रज्वलन गरेका थिए ।

कार्यक्रममा अस्पतालका अध्यक्ष डा सुदिप श्रेष्ठ, अस्पतालका मेडिकल निर्देशक डा विजेशराज घिमिरे, अन्य चिकित्सक, कर्मचारी तथा क्यान्सर सर्भाइभर्सको उपस्थिती रहेको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।