बाँकेको नरैनापुरमा झाडापखालाबाट एकै गाउँका चार जनाको मृत्यु
हेल्थ टिभी अनलाइन : बाँकेको नरैनापुरमा झाडापखाला लागेका एकै गाउँका ४ जनाको मृत्यु भएको छ ।
नरैनापुर गाउँपालिकाको गेगली गाउँमा फैलिएको झाडापखालाबाट १० जना बिरामी परेकामध्ये ४ जनाको मृत्यु भएको हो । सात जनाको भने उपचार भइरहेको बताइएको छ ।
नरैनापुर–३ का वडाध्यक्ष अजय मिश्रले झाडापखालाबाट गेगलीका २५ वर्षीय रुसा पासी र उनकी डेढ वर्षकी छोरी नन्दनी पासी, ६० वर्षीया शान्ति पासी र १० वर्षीय युसुफ अलीको मृत्यु भएको जानकारी दिए। भारतीय सीमासँग जोडिएको गाउँ गेगलीमा झाडापखाला फैलिएको नरैनापुर गाउँपालिकाका स्वास्थ्य शाखा प्रमुख नगेन्द्रकुमार साहले जानकारी दिए। उनले आफूसहित अन्य स्वास्थ्यकर्मीको टोलीले गाउँमै पुगेर बिरामीको उपचार गरिरहेको बताए ।
झाडापखाला नियन्त्रण गर्न स्वास्थ्य कार्यालय बाँकेसँग समन्वय भएको बताइएको छ ।
रासस
शिक्षक आन्दोलनको रिपोर्टिङमा खटिएकी पत्रकार कार्कीमाथि आक्रमण, आँखामा गम्भीर चोट
मानसिक स्वास्थ्यका क्षेत्रमा सर्वोच्च अदालतको परमादेश
आवासीय चिकित्सक पनि आन्दोलनमा
चिकित्सकहरूले बिहिबार २ घण्टा स्वास्थ्य मन्त्रालय घेर्ने
भेरी अस्पतालमा पनि सुरु भयो मिर्गौला प्रत्यारोपण सेवा