विश्वभर कोरोना संक्रमणबाट मृत्यु हुनेको संख्या ४१ लाख ६८ हजार नाघ्यो

विश्वभर कोरोना संक्रमणबाट मृत्यु हुनेको संख्या ४१ लाख ६८ हजार नाघ्यो

हेल्थ टिभी अनलाइन \काठमाडौं : विश्वभर कोरोना संक्रमणबाट मृत्यु हुनेको संख्या ४१ लाख ६८ हजार नाघेको छ । वल्र्डोमिटरका अनुसार आजसम्म विश्वभर ४१ लाख ६८ हजार४५९ जनाको कोरोना संक्रमणबाट मृत्यु भएको हो ।

यसैगरी हालसम्म कोरोना संक्रमण पुष्टि हुनेको संख्या १९ करोड ४४ लाख ११ हजार १३० पुगेको छ । यीमध्ये १७ करोड ६४ लाख ७१ हजार २८ जना संक्रमणमुक्त भइसकेका छन्। त्यस्तै अमेरिकामा मात्रै कोरोना संक्रमणबाट ६ लाख २६ हजार ७१३ जनाको मृत्यु भएको छ भने संक्रमितको संख्या ३ करोड ५१ लाख ८४ हजार ६७१ पुगेको छ । यसैगरी अमेरिकापछि ब्राजिलमा धेरै संक्रमितको मृत्यु भएको छ । ब्राजिलमा हालसम्म ५ लाख ४९ हजार ५ सय जना संक्रमितको मृत्यु भइसकेको छ । भारतमा हालसम्म ४ लाख २० हजार ५८५ जनाको कोरोना संक्रमणबाट मृत्यु भएको वल्र्डोमिटरले जनाएको छ ।

कोरोना खोप लगाउन सुरु भए यता विश्वका विभिन्न देशमा पछिल्लो समय कोरोना भाइरसको संक्रमण दर विस्तारै घट्दै गइरहेको छ । धरै देशहरुले अहिले खोप लगाउन सुरु गरिसकेका छन्। तर अझै पनि केही देशमा भने संक्रमण कम हुन सकेको छैन्।

यता नेपालमा हालसम्म ७ लाख ३३ हजार २६० जनामा कोरोना पुष्टि भएको छ भने ९ हजार ६९५ जनाको मृत्यु भएको छ ।

 

 

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार

गर्मीमा पुदिना खानुका फाइदा

गर्मीमा पुदिना खानुका फाइदा