२२ जेष्ठ २०७८ , शनिबार

भारतमा संक्रमण घट्दै : आज ५८ दिन यताकै सबैभन्दा कम संक्रमण पुष्टि

हेल्थ टिभी अनलाइन : भारतमा कोरोना संक्रमितको संख्यामा कमी आएको छ । भारतीय स्वास्थ्य मन्त्रालयका अनुसार गत २४ घण्टामा ५८ दिन यताकै सबैभन्दा कम कोरोना संक्रमित फेला परेका छन्।

गत २४ घण्टामा त्यहाँ १ लाख २० हजार जनामा संक्रमण पुष्टि भएको हो । यो करिब २ महिना यताको सबैभन्दा कम संक्रमित हो । नयाँ संक्रमण कम भए पनि भारतमा मृत्युदरमा भने खासै कमी आएको छैन्।

गत २४ घण्टामा पनि त्यहाँ ३ हजार ३८० जनाको मृत्यु भएको बताइएको छ । कोरोनाको दोस्रो लहरमा भारत धेरै नै प्रभावित भएको छ ।

भारतमा हालसम्म २ करोड ८६ लाख ९४ हजार ८७९ जनामा कोरोना पुष्टि भइसकेको छ भने ३ लाख ४४ हजार ८२ जनाको मृत्यु भइसकेकोे छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।