२८ असार २०७७ , आइतवार

बलिवुड अभिनेता अमिताभ र अभिषेक बच्चनलाई कोरोना संक्रमण

हेल्थ टिभी अनलाइन\ काठमाडौं : बलिवुडका नेता अमिताभ बच्चन र उनका छोरा अभिषेक बच्चनलाई कोरोना संक्रमण भएको छ । शनिबार अमिताभले ट्विट मार्फत आफूलाई कोभिड १९ पोजेटिभ भएको जानकारी गराएका थिए ।

योसँगै उनले आफूलाई कोरोना संक्रमण पुष्टि भएसँगै परिवारका अन्य सदस्यहरुको पनि कोरोना परीक्षण गरिएको बताएका छन्। उनका छोरा अभिषेक बच्चनमा पनि कोरोना संक्रमण पुष्टि भएको छ ।

उनीहरु दुबै जनालाई मुम्बईको नानावती अस्पतालमा भर्ना गरिएको महाराष्ट्रका स्वास्थ्यमन्त्री राजेश टोपेले स्थानीय मिडियालाई बताएका छन्। उनले जया बच्चन र ऐश्वर्या रायको पनि कोरोना परीक्षण गरिएकोमा रिपोर्ट आउन बाँकी रहेको जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।