२७ बैशाख २०७७ , शनिबार

भारतमा कोरोना संक्रमितको संख्या ६० हजार नजिक

हेल्थ टिभी अनलाइन : भारतमा कोरोना संक्रमतिको संख्या ६० हजार नजिक पुगेको छ। भारतीय स्वास्थ्य मन्त्रालयका अनुसार हालसम्म त्यहा कोरोना संक्रमितको संख्या ५९ हजार ६ सय ६२ पुगेको छ ।

यसैगरी मृत्यु हुनेको संख्या नै १ हजार ९ सय ८१ पुगेको छ । पछिल्लो २४ घण्टामा मात्रै भारतमा ९५ जनाले ज्यान गुमाएका छन् भने झण्डै ३५ सय नयाँ संक्रमित थपिएका छन्। यसैगरी हालसम्म १७ हजार ८ सय ४७ जना उपचारपछि निको भएर घर फर्केका छन्।

सबैभन्दा बढी प्रभावित महाराष्ट्र बनेको छ । महाराष्ट्रमा मात्रै ७४१ जनाले ज्यान गुमाएका छन्। भारत सरकारले कोरोना रोकथाम र नियन्त्रणका लागि डेढ महिनालदेखि लकडाउन जारी राखेको छ । यद्यपी कोरोना संक्रमितको संख्या दिनप्रतिदिन बढिरहेको छ । पछिल्लो एक सातादेखि भारतमा कोरोना संक्रमितको संख्यामा तीब्र रुपमा वृद्धि भइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।