आँखासम्बन्धी स्वास्थ्य नीति ल्याउन माग
काठमाडाैं : सराेकारवालाहरूले आँखा स्वास्थ्य नीति ल्याउन सरकारसँग माग गरेका छन्। दक्षिण एसियाली राष्ट्रमध्येमा नै नेपालमा आँखाको उपचार राम्रो हुने भन्दै उनीहरूले यहाँ स्वास्थ्य पर्यटन प्रवर्धन गर्न सकिने बताएका छन्।
ग्रामीण स्वास्थ्य शिक्षा तथा सेवा केन्द्रलाई आँखा उपचारका सामग्री हस्तान्तरण गर्न मंगलबार गोकर्णेश्वर नगरपालिकाको दक्षिणढोकामा आयोजना गरिएको कार्यक्रमका वक्ताहरूले यस विषयमा जोड दिएका हुन्।
पूर्वअर्थमन्त्री शङ्करप्रसाद कोइरालाले आँखा उपचारका लागि राष्ट्रिय एवं अन्तर्राष्ट्रिय गैरसरकारी संस्थाको समेत सहयोग रहेको जानकारी दिए। नेपालका लागि जापानी राजदूत मासामिची साइगोले आँखा स्वास्थ्यका लागि जापान सरकारका तर्फबाट ९६ लाख रूपैयाँ बराबरको उपकरण सहयोग गरेको जानकारी दिए।
कार्यक्रममा सांसद कृष्ण राईले धुलो प्रदूषणलगायत समस्याका कारण मोतियाबिन्दुका रोगी बढ्ने गरेको बताए। प्रदेशसभा सदस्य रामेश्वर फुयाँलले नेपालको आँखा उपचार पद्धतिले स्वास्थ्य पर्यटन प्रवर्धन गर्न सकिने सम्भावना बोकेकाले त्यसैअनुसारको नीति बन्नुपर्ने धारणा राखे।
नेपाल बन्दैछ स्वास्थ्य र शिक्षा पर्यटनको केन्द्र
फेसबुकमा ‘अलबिदा’ लेखेर सम्पर्कविहिन बनेका डा श्रेष्ठ बालाजुमा सकुशल भेटिए
स्वास्थ्य मन्त्री पौडेलद्धारा माग सम्बोधन गर्ने प्रतिबद्धता, औषधि व्यवसायीको आन्दोलन स्थगित
औषधि मूल्य प्रतिवेदनविरुद्ध व्यवसायिक संघसंस्थाहरू आन्दोलनमा
मेडिसिटी अस्पतालमा कलेजो प्रत्यारोपण सुरु