स्वास्थ्य सेवा विभागमा स्तनपान कक्ष स्थापना
काठमाडौं : विश्व स्तनपान सप्ताहको अवसर पारेर स्वास्थ्य सेवा विभागमा स्तनपान कक्ष स्थापना भएको छ । स्वास्थ्य सेवा विभागका महानिर्देशक डा.गुणराज लोहनी र युनिसेफ नेपालका प्रतिनिधि टोमो होजुमीले बुधवार संयुक्त रूपमा सो कक्षको उद्घाटन गरे।
विभागमा कार्यरत महिला कर्मचारी र सेवाग्राहीका लागि लक्ष्य गर्दै स्तनपान कक्ष शुरु गरिएको महानिर्देशक डा.गुणराज लोहनी बताए। उक्त कक्षमा दुई महिलाले एकैपटक बच्चालाई स्तनपान गराउन सक्नेछन्।
युरोपियन युनियन र युनिसेफको सहयोगमा आगामी एक वर्षभित्र विभिन्न ३० स्थानमा स्तनपान कक्ष बनाइने लक्ष्य लिइएको डा. लोहनीले बताए। ‘अहिले ३० वटा कक्षको लक्ष्य भए पनि यसलाई बढाउँदै लैजाने योजना छ’, उनले भने।
नेपालमा स्तनपान कक्षको व्यवस्था नहुँदा धेरै कामकाजी आमाहरू आफ्ना बच्चाहरूलाई स्तनपान गराउनबाट वञ्चित भइरहेका छन्।
शिक्षक आन्दोलनको रिपोर्टिङमा खटिएकी पत्रकार कार्कीमाथि आक्रमण, आँखामा गम्भीर चोट
मानसिक स्वास्थ्यका क्षेत्रमा सर्वोच्च अदालतको परमादेश
आवासीय चिकित्सक पनि आन्दोलनमा
चिकित्सकहरूले बिहिबार २ घण्टा स्वास्थ्य मन्त्रालय घेर्ने
भेरी अस्पतालमा पनि सुरु भयो मिर्गौला प्रत्यारोपण सेवा