हेल्थ टिभी अनलाइन \काठमाडौं : शुक्रबार कोरोना संक्रमण पुष्टि भएका उदयपुरको मस्जिदमा रहेका कोरोना संक्रमितलाई राती साढे ११ बजे नै विराटनगर लगिएको छ ।  उनीहरु १२ जना र उनीहरुसँगै रहेका ४ गरी १६ जनालाई बिराटनगरको कोरोना विशेष अस्पतालमा लगिएको हो।

संक्रमित १२ जनालाई कोरोना विशेष अस्पतालको आइसोलेसनमा राखिएको इपिडिमियोलोजी तथा रोग नियन्त्रण महाशाखाका निर्देशक डा बासुदेव पाण्डेले जानकारी दिए । यसैगरी बाँकी ४ जनालाई भने क्वारेन्टाइनमा राखिएको छ । कोरोना विशेष अस्पताल कोशी अस्पतालले नै हेर्ने गर्छ ।

शुक्रबार मात्रै उदयपुरको त्रियुगा नगरापलिकामा रहेको मस्जिदमा रहेका १२ जनामा कोरोना संक्रमण पुष्टि भएको थियो ।

हेल्थ टिभी अनलाइन\ काठमाडौं:  नेपालमा थप १४ जनामा कोरोना संक्रमण पोजेटिभ देखिएको छ । स्वास्थ्य तथा जनसंख्या मन्त्रालयले आज थप १४ जनामा कोरोना संक्रमण भएको पुष्टि गरेको हो।

स्वास्थ्यमन्त्री भानुभक्त ढकालका विज्ञ सल्लाहकार डा खेम कार्कीले हेल्थ टिभी अनलाइनसँग कुरा गर्दै भने, ‘आज उदयपुरमा १२ र चितवनमा २ जनामा कोरोना पोजेटिभ देखिएको छ । अब उहाँहरुको डिटेल खोज्दैछौं ।’ उनका अनुसार उदयपुरमा  १२ जना र चितवनमा २ जना गरी १४ जनामा एकैदिन कोरोना संक्रमण देखिएको हो ।

योसँगै नेपालमा कोरोना संक्रमितको संख्या ३० पुगेको छ ।