४ पुस २०७५ , बुधबार

४५३ जनाको आँखा परीक्षण, ८६ ले गराए मोतिबिन्दु शल्यक्रिया

रुकुम : रुकुम पश्चिमको सल्लेमा आयोजित आँखा शिविरमा साढे चार सय जनाले सेवा लिएका छन्। नेपाल नेत्रज्योति संघ रुकुम, आँखा उपचार केन्द्र रुकुम शाखा र मुसिकोट नगरपालिकाको संयुक्त व्यवस्थापन तथा राप्ती आँखा अस्पतालको प्राविधिक सहयोगमा शिविर सञ्चालन भएको हो।

दुई दिने शिविरमा ४५३ जनाको आँखा परीक्षण भएको छ। ८६ जनाको मोतिबिन्दुको शल्यक्रिया भएको आँखा उपचार केन्द्र सल्ले रुकुमका प्रमुख मञ्जु बोहराले जानकारी दिइन्।

शिविरमा राप्ती आँखा अस्पताल रक्षचौर तुलसीपुर दाङका डा. सुरेश रसाइलीको नेतृत्वमा १२ जनाको प्राविधिक टोली रहेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।